စာတို
ခရိုင်များ
ကော်သူးလေ အလုပ်သမား သမဂ္ဂများ အဖွဲ့ချုပ်(FTUK)၏ အားသစ်လောင်း သင်တန်းကို ဒူးပလာယာ ခရိုင်တွင် ပြုလုပ်။
၂၀၂၄ ခုနှစ်၊ ဒီဇင်ဘာလ (၆) ရက်၊ ကေအဲန်ယူ-ဗဟို။
ကော်သူးလေ အလုပ်သမား သမဂ္ဂများ အဖွဲ့ချုပ်(FTUK)၊ ဥက္ကဋ္ဌ ပဒိုအယ်ထူးမှ ဦိးဆောင်၍ ကော်သူးလေ အလုပ်သမား သမဂ္ဂများ အဖွဲ့ချုပ်(FTUK)၏ အားသစ်လောင်း သင်တန်းတစ်ရပ်အား မြန်မာနိုင်ငံလုံးဆိုင်ရာ အလုပ်သမားများ အဖွဲ့ချုပ် (CTUM) နှင့် လက်တွဲကာ ဒူးပလာယာ ခရိုင်၌ ပြုလုပ်ကျင်းပခဲ့သည်။
၎င်းအားသစ်လောင်းသင်တန်းတွင် ဒူးပလာယာ ခရိုင် ကော်သူးလေ အလုပ်သမား သမဂ္ဂများ အဖွဲ့ချုပ် ဥက္ကဋ္ဌ ပဒို ရှာလဖတ်နှင့်အတူ ဒူးပလာယာ ခရိုင်မှ ကော်သူးလေ လယ်ယာ လုပ်သား သမဂ္ဂ ကော်မတီဝင်များ၊ ပညာရေး လုပ်သား သမဂ္ဂ ကော်မတီဝင်များနှင့် ကျန်းမာ ရေး လုပ်သား သမဂ္ဂ ကော်မတီဝင်များ အပြင် ကေအဲန်ယူ-ကရင်အမျိုးသား အစည်းအရုံး လယ်ယာ စိုက်ပျိုးရေး ဌာန၊ ပညာရေး ဌာနနှင့် ကျန်းမာရေး ဌာနများများမှ သက်ဆိုင်ရာ ခေါင်းဆောင်(၃၇) ဦး ပါဝင်တက်ရောက်ခဲ့ကြသည်။
၎င်းအားသစ်လောင်း သင်တန်းတွင် သမဂ္ဂ အဖွဲ့ဝင်များအတွက် သမဂ္ဂဝင် အသစ်များ စည်းရုံးနိုင်ရေး၊ သမဂ္ဂ အားကောင်းရေး၊ စနစ်တကျ ဖွဲ့စည်းတည်ထောင်နိုင်ရေးနှင့် အလုပ် သမား သမဂ္ဂနှင့် သက်ဆိုင်သည့် သင်တန်းများကို ၂၀၂၄ ခုနှစ်၊နိုဝင်ဘာလ ၂၅ ရက်မှ ၂၇ အထိပို့ချခဲ့သည်။
၂၀၂၄ ခုနှစ်၊နိုဝင်ဘာလ ၂၈ ရက်နေ့တွင် သမဂ္ဂအဖွဲ့ဝင် အသစ်များ ရရှိနိုင်ရေးအတွက် ခရိုင် အတွင်းရှိ သက်ဆိုင်ရာ လယ်ယာ၊ ပညာရေး နှင့် ကျန်းမာရေး လုပ်သားများအား လက်တွေ့ စည်းရုံးရေးကိုလည်း လုပ်ဆောင်နိုင်ခဲ့သည်။
၂၀၂၄ ခုနှစ်၊နိုဝင်ဘာလ ၂၉ ရက်နေ့တွင် သမဂ္ဂအဖွဲ့ဝင် အသစ်များ လက်တွေ့ စည်းရုံးရေး၌ တွေ့ကြုံခဲ့ရသည့် အတွေ့အကြုံများကို ပြန်လည်တင်ပြဆွေးနွေးခဲ့ကြပြီး ပိုမို ထိရောက်သည့် စည်းရုံးရေး လုပ်ငန်းများကို ရှေ့ဆက်ဆောင်ရွက်နိုင်ရန် လိုအပ်သည့် သုံးသပ်ချက်များနှင့် အကြံဥာဏ်များကိုလည်း အပြန်အလှန်ဆွေးနွေးမှုများကိုလည်း လုပ်ဆောင်ခဲ့ကြသည်။
ထို့အပြင် နိုဝင်ဘာလ ၃၀ ရက်နေ့တွင် ခရိုင်ရှိ ကော်သူးလေ အလုပ်သမား သမဂ္ဂများမှ ခေါင်းဆောင်များနှင့် ကော်သူးလေ အလုပ်သမား သမဂ္ဂများ အဖွဲ့ချုပ်(FTUK)၏ ဖွဲ့စည်းပုံ ကို ပြင်ဆင်ဖြည်စွက်ခဲ့ကြသည့်အပြင် အခြားဆက်စပ်ပတ်သက်နေသည့် ကိစ္စရပ်များကိုလည်း ဆွေးနွေးခဲ့ကြသည်။
သည့်အပြင်၊ သတ္တုတွင်း လုပ်သား သမဂ္ဂ ဖွဲ့စည်းနိုင်ရေးအတွက် ကြိုတင်လေ့လာရေး ခရီးစဉ်အဖြစ် ၂၀၂၄ ခုနှစ်၊ဒီဇင်ဘာလ ၁ ရက် နေ့တွင် ပဒို အယ်ထူးမှ ဒူးပလာယာ ခရိုင်အတွင်းရှိ သတ္တုတွင်း အလုပ်သမားများ၏ အခြေအနေနှင့် လုပ်ငန်းခွင် ဆိုင်ရာ အခက်အခဲများကို သွားရောက်လေ့ လာခဲ့သည်။
ဆက်စပ်လုပ်ရှားဆောင်ရွက်မှုများ
