နိုဝင်ဘာလ (၆) ရက်၊ ၂၀၂၂ ခုနှစ်၊ ကေအဲန်ယူ−ဗဟို။

ဒူးသထူခရိုင်အတွင်းတွင် အာဏာသိမ်းအကြမ်းဖက်စစ်ကောင်စီတပ်နှင့် လက်အောက်ခံ နယ်ခြားစောင့်တပ် (BGF) တပ်များမှ ပြည်သူများနေထိုင်သော ကျေးရွာအတွင်းနှင့် လုပ်ကိုင်စားသောက်သော လုပ်ငန်းခွင်များ အတွင်းသို့ ရည်ရွယ်ချက်ရှိရှိ လက်နက်ကြီးများပစ်ခတ်သောကြောင့် ပြည်သူ (၄) ဦးသေဆုံးကာ (၁၁) ဦး ထိခိုက်ဒဏ်ရာရရှိခဲ့ပြီး နေအိမ် (၆) လုံး ပျက်စီးခဲ့ရသည်။ အာဏာသိမ်းအကြမ်းဖက်စစ်ကောင်စီတပ်နှင့် လက်အောက်ခံ နယ်ခြားစောင့်တပ် (BGF) များမှ ပြည်သူလူထုနေထိုင်သော နေအိမ် (၁၈) လုံးအား မီးရှို့ဖျက်ဆီးခဲ့ပြီး အပြစ်မဲ့ပြည်သူ (၁) ဦးအားလည်း ဖမ်းဆီးခဲ့သည်။

ခလယ်လွီထူခရိုင်အတွင်းတွင် အာဏာသိမ်းအကြမ်းဖက်စစ်ကောင်စီတပ်များမှ ပြည်သူများနေထိုင်သော ကျေးရွာအတွင်းနှင့် လုပ်ကိုင်စားသောက်သော လုပ်ငန်းခွင်များအတွင်းသို့် ရည်ရွယ်ချက်ရှိရှိ လက်နက်ကြီးများပစ်ခတ်သောကြောင့် ပြည်သူ (၂) ဦးသေဆုံးကာ (၃) ဦး ထိခိုက်ဒဏ်ရာရရှိပြီး အာဏာသိမ်း အကြမ်းဖက်စစ်ကောင်စီတပ်များမှ ပြည်သူတစ်ဦးအား အကြောင်းမဲ့ဖမ်ဆီးကာ ရက်ရက်စက်စက် သေနတ်ဖြင့်ပစ်ခတ်သတ်ဖြတ်ခဲ့သည်။ အာဏာသိမ်းအကြမ်းဖက်စစ်ကောင်စီတပ်များမှ ပြည်သူလုထု၏ နေအိမ် (၆) လုံးအား မီးရှို့ဖျက်ဆီးခဲ့ပြီး အပြစ်မဲ့ပြည်သူ (၅၄) ဦးအား မတရားဖမ်းဆီးခဲ့သည်။ ဖမ်းဆီးခံရသော ရွာသူရွာသားအချို့အား စစ်ဆေးမေးမြန်းကာညှင်ပန်းနှိပ်ဆက်ခြင်းများ၊ အချို့အား ပေါ်တာအဖြစ်ခိုင်းစေခြင်းများ နှင့် လူသားဒိုင်းကာများအဖြစ် အသုံးပြုခဲ့သည်။ ကျောက်ကြီးမြို့နယ်နှင့် မုန်းမြို့နယ်များ အတွင်းတွင် ကောက်ရိတ် သိမ်းချိန်ကျရောက်နေသော်လည်း အာဏာသိမ်းအကြမ်းဖက် စစ်ကောင်စီတပ်များမှ ကောက်ရိတ်သိမ်းခွင့်မပေးသည့်အတွက် ပြည်သူများမှာ စားဝတ်နေရေး အခက်အခဲနှင့် ရင်ဆိုင်ကြုံတွေ့နေရသည်။

ဘိတ်/ထာဝယ်ခရိုင်အတွင်းတွင် အာဏာသိမ်းအကြမ်းဖက်စစ်ကောင်စီတပ်များမှ အပြစ်မဲ့ပြည်သူ (၂) ဦးအား အကြောင်းမဲ့ ပစ်ခတ်သတ်ဖြတ်ခဲ့ပြီး အာဏာသိမ်း အကြမ်းဖက်စစ်ကောင်စီတပ်များမှ သေနတ်များအား ဆင်ခြေတုံမဲ့ပစ်ခတ်ခြင်းကြောင့် အပြစ်မဲ့ပြည်သူ (၁) ဦး ထိခိုက်ဒဏ်ရာရရှိခဲ့သည်။ အာဏာသိမ်းအကြမ်းဖက်စစ်ကောင်စီတပ်မှ ပြည်သူလူ ထုများနေထိုင်သော နေအိမ်များအတွင်းသို့ ဝင်ရောက်မွှေနှောက်ကာ ကျပ်ငွေ သိန်း (၇၀၀) ကျော်အား အတင်းအဓမ္မယူဆောင်ခဲ့ပြီး အပြစ်မဲ့ ပြည်သူ (၁၀၀) ကျော်အားလည်း ဖမ်းဆီးခဲ့သည်။ အာဏာသိမ်းအကြမ်းဖက်စစ်ကောင်စီတပ်များမှ ပြည်သူလူထု များအား စာနပ်ရိက္ခာများသယ်ယူခွင့်ကို ပိတ်ပင်ခဲ့သည့်အတွက် ပြည်သူလူထုများမှာ အခက်အခဲများနှင့် ကြုံတွေ့နေရသည်။

မူတြော်ခရိုင်အတွင်းတွင် အာဏာသိမ်းအကြမ်းဖက်စစ်ကောင်စီတပ်နှင့် လက်အောက်ခံ နယ်ခြားစောင့်တပ် (BGF) များမှ ပြည်သူများနေထိုင်သော ကျေးရွာအတွင်းနှင့် လုပ်ကိုင်စားသောက်သော လုပ်ငန်းခွင်များအတွင်းသို့ ရည်ရွယ်ချက်ရှိရှိ လက်နက်ကြီးများပစ်ခတ်သောကြောင့် ကိုရင် (၁) ပါး နှင့် ပြည်သူ (၁) ဦးသေဆုံးကာ (၈) ဦး ထိခိုက်ဒဏ်ရာရရှိခဲ့ပြီး နေအိမ် (၅) လုံး ပျက်စီးခဲ့ရသည်။ အာဏာသိမ်းအကြမ်ဖက်စစ်ကောင်စီတပ်များမှ အပြစ်မဲ့ပြည်သူ (၂) ဦးအား အကြောင်းမဲ့ဖမ်းဆီးခဲ့ပြီး ပြည်သူများနေထိုင်သော ကျေးရွာအတွင်းနှင့် လုပ်ကိုင်စားသောက်သော လုပ်ငန်းခွင်များအတွင်းသို့ ရည်ရွယ်ချက်ရှိရှိ လေကြောင်းတိုက်ခိုက်မှု (၂) ကြိမ်ပြုလုပ်ခဲံသည်။

ဒူးပလာယာခရိုင်အတွင်းတွင် အာဏာသိမ်းအကြမ်းဖက်စစ်ကောင်စီတပ်နှင့် လက်အောက်ခံ နယ်ခြားစောင့်တပ် (BGF) တပ်များမှ ပြည်သူများနေထိုင်သော ကျေးရွာအတွင်းနှင့် လုပ်ကိုင်စားသောက် သော လုပ်ငန်းခွင်များအတွင်းသို့ ရည်ရွယ်ချက်ရှိရှိ လက်နက်ကြီးများပစ်ခတ်သောကြောင့် ရဟန်း (၁) ပါး နှင့် ပြည်သူ (၁) ဦးသေဆုံးကာ (၁၁) ဦး ထိုခိုက်ဒဏ်ရာရရှိခဲ့ပြီး နေအိမ် (၅) လုံး နှင့် ဘုန်းကြီးကျောင်း (၁) ကျောင်း ထိခိုက်ပျက်စီးခဲ့သည်။ အာဏာသိမ်းအကြမ်းဖက်စစ်ကောင်စီတပ်များမှ သေနတ်များအား ဆင်ခြင်တုံမဲ့ပစ်ခတ်ခြင်းကြောင့် ပြည်သူ (၂) ဦးထိခိုက်ဒဏ်ရာရရှိခဲ့သည်။ အာဏာသိမ်းအကြမ်းဖက် စစ်ကောင်စီတပ်များမှ ပြည်သူများနေထိုင်သော ကျေးရွာအတွင်းနှင့် လုပ်ကိုင်စားသောက်သော လုပ်ငန်းခွင်များအတွင်းသို့ ရည်ရွယ်ချက်ရှိရှိ လေကြောင်းတိုက်ခိုက်မှု (၃) ကြိမ်ပြုလုပ်ခဲ့သည်။