ပယီၤသုး ခးလီၤကျိဖးဒိၣ်လၢ ကမျၢၢ်တၢ်ဖံးအီၣ်မၤအီၣ်အလီၢ်

လါယူၤ ၂၀ သီ, ၂၀၂၁ နံၣ်
    ဖဲလါယူၤ ၂၀ သီ ၂၀၂၁ နံၣ် ဟါလီၤခီ ၄း၅၀ ဆၢကတီၢ် ပယီၤသုးကလၢၤ (တပခ-ခမရ-၂၀) အိၣ်ဆီလီၤအသး ၀ၣ်ကျ့ၣ်တူၢ် ခးလီၤကျိဖးဒိၣ် (၉) ဖျၢၣ်လၢ ချံပူၤပျီ လၢအမ့ၢ်ဝဲ စီၤမုၢ်ပျီ ကမျၢၢ်တၢ်ဖံးအီၣ်မၤအီၣ်အလီၢ် န့ၣ်လီၤ.
    ပယီၤသုးခးလီၤကျိဖးဒိၣ်အဖီခိၣ် ပသ့ၣ်ညါဘၣ်လၢ ကမျၢၢ်ဖိသ့ၣ်တဖၣ် ဘၣ်ပျံၤဘၣ်ဖုးတၢ် အိၣ်လၢတၢ်ပလီၢ်ပဒီအပူၤ ဒီး ကဲထီၣ်ဝဲတၢ်ကီတၢ်ခဲလၢ ပှၤသးပှၢ် လၢဟးတညီတဘှါဘၣ်တဖၣ်အဂီၢ်, ဖိသၣ်ဆံး ဒီး ပှၤဖိဆံးသ့ၣ်တဖၣ် အဂီၢ်န့ၣ်လီၤ.
    ပှၤလီၢ်ကဝီၤဖိတဂၤ လၢအမ့ၢ် စီၤက့ စံးဝဲ "ပယီၤသုးတဖၣ် ခးလီၤကျိဖးဒိၣ်အဃိ ပသူၣ်ဘုတဘူၣ်လၢၤ, ပဘၣ်အိၣ်လၢ တၢ်ပျံၤတၢ်ဖုးအပူၤ တကးဒံးဘၣ်အမဲၥ်ညါ ကဲထီၣ်ဝဲတၢ်ကီတၢ်ခဲလၢ ပဖိပလံၤတဖၣ်အဂီၢ် ခီဖျိအဝဲသ့ၣ်မ့ၢ်ဖိသၣ်အဃိ ဃ့ၢ်တညီဟးတညီဘၣ်န့ၣ်လီၤ.
    ပယီၤသုးတဖၣ် ဆှၢအါထီၣ်ဝဲတၢ်အီၣ် စးထီၣ်လၢ ၂၀၂၁ နံၣ်ထီၣ်ဒီး ခးလီၤဝဲကျိဖးဒိၣ်လၢ ကမျၢၢ်တၢ်ဖံးအီၣ်မၤအီၣ်အလီၢ် ကိးမုၢ်နံၤဒဲး တုၤမုၢ်မဆါတနံၤအံၤ န့ၣ်လီၤ.