ပယီၤသုး ဆှၢအါထီၣ်တၢ်အီၣ်အဃိ တၢ်ဘၣ်သဂၢၢ်ခးလိၥ်သး အိၣ်ထီၣ်ဝဲ

လါယူၤ ၁၈ သီ, ၂၀၂၁ နံၣ်
ဖဲလါယူၤ ၁၇ သီ ၂၀၂၁ နံၣ် ဟါ ၃း၀၅ နၣ်ရံၣ် အဆၢကတီၢ် ပယီၤသုးတဖၣ် ဆှၢအါထီၣ်ဝဲ တၢ်အီၣ်ဒီးတၢ်ဘၣ်သဂၢၢ်ခးလိၥ်သး အိၣ်ထီၣ်ဝဲတဘျီဖဲ မီပူၤထၣ်, လၢၢ်မုၢ်ပျီဟီၣ်ကဝီၤ ဒီး ကမဒီး ဖဲတနံၤအံၤ ၁၈ သီ ၂၀၂၁ နံၣ်နံၤ ဆဲးဆှၢကဒီးဝဲတၢ်အီၣ်အဃိ တၢ်ဘၣ်သဂၢၢ်ခးလိၥ်သး အိၣ်ထီၣ်ကဒီးဝဲ ဒီး ဂၢၤသးသုးရ့ၣ် (၁) သုးဒ့ခံ တဘျီဖဲ ပိၣ်လ့ၤလူၢ်, လၢၢ်မုၢ်ပျီဟီၣ်ကဝီၤ န့ၣ်လီၤ.
ပယီၤသုးဆှၢအါထီၣ် တၢ်အီၣ်အဖီခိၣ် လီၤဟံးဝဲတၢ်ဘံၣ်တၢ်ဘၢ လၢကမျၢၢ်တၢ်ဖံးအီၣ်မၤအီၣ်အလီၢ် လဲၤတလၢက့ၤတလၢဝဲအဃိ ပသ့ၣ်ညါဘၣ်လၢ ကမျၢၢ်ဖိသ့ၣ်တဖၣ် ဘၣ်ပျံၤဘၣ်ဖုး ဒီး ဖံးအီၣ်မၤအီၣ် တဘူၣ်လၢၤဘၣ်န့ၣ်လီၤ.
ပှၤလီၢ်ကဝီၤဖိတဂၤ လၢအမ့ၢ် စီၤပျီသၢၣ်စံးဝဲ "ပယီၤသုး ဆှၢထီၣ်တၢ်အီၣ် ဒီး လီၤဟံးဝဲတၢ်ဘံၣ်တၢ်ဘၢ လၢပစံၣ်ပျီကပၤအဃိ ပသူၣ်ဘုတဘူၣ်လၢၤဘၣ် တကးဒံးဘၣ်အမဲၥ်ညါ ပဘၣ်ယိၣ်လၢ အဝဲသ့ၣ်ကဟူးဂဲၤအါထီၣ် အါန့ၢ်အလီၢ်န့ၣ်လီၤ.
တလါအံၤမ့ၢ်ဝဲ ပှၤထူစံၥ်ဖဲးခုးတဖၣ် ဘၣ်ကျီနီၣ် ဒီးသူၣ်ဘုသူၣ်ဟုအဃိ ပယီၤသုးတဖၣ် ဟူးဂဲၤအါထီၣ်ဝဲကွ့ၢ်ကွ့ၢ် ဒီး လီၢ်ကဝီၤကမျၢၢ်တဖၣ် ကျီနီၣ်တဘူၣ်လၢၤ, သူၣ်ဘုတဘူၣ်လၢၤဘၣ် န့ၣ်လီၤ.